Skýrara yfirlit yfir sjálfbærnistarf stofnana
Laufið býður opinberum aðilum upp á heildstæðari sýn á stöðu stofnana út frá sjálfbærri þróun. Í hugbúnaðinum fá sveitarfélög aðgang að aðgerðum sem styðja við sjálfbærnistefnu þeirra og langtíma markmið, ásamt lausnum sem gefa færi á aukinn samanburð og samstarf milli stofnana sem skapar möguleika á aukinni hagræðingu og valdeflingu í starfi.
Mælaborð fyrir sveitarfélög
Í Laufinu hafa sveitarfélög aðgang að miðlægu mælaborði sem sýnir árangur stofnana og sveitarfélagsins í heild í sjálfbærnimálum. Heildstæð yfirsýn skapast því fyrir ábyrgðaraðila sjálfbærnimála hjá sveitarfélögum, sem skapar færi til að ná settum markmiðum í sjálfbærnimálum.
Opinberir aðilar í Laufinu
Yfir 100 aðgerðamiðuð skref
Aðgerðir Laufsins skiptast í stór og smá skref í flokkunum umhverfi, félagslegir þættir og stjórnarhættir. Þau telja til mismunandi stiga. Laufið byggir á samfélagslegu trausti og því merkja notendur við já ef þeir telja sig hafa lokið smáu skrefunum. Við stóru skrefin þarf hins vegar ýmist að hlaða upp gögnum til staðfestingar, slá inn tölulegar upplýsingar eða færa rökstuðning fyrir svarinu.
Settu þér markmið og forgangsraðaðu aðgerðum
Til að ná árangri er gott að setja sér skýr, mælanleg, aðgerðamiðuð, raunhæf og tímasett markmið. Að setja sér markmið ásamt ítarlegri aðgerðaáætlun er liður í að búa til sjálfbærnistefnu. Hægt er að tímasetja aðgerðina, merkja við ábyrgðaraðila, forgangsraða og setja inn athugasemdir sem aðeins eru sýnilegar þér.
Reiknaðu kolefnislosun frá rekstri
Kolefnisreiknir Laufsins nær utan um umfang 1 og 2 ásamt einum lið í umfangi 3. Markmið okkar er að ná utan um alla liði í framtíðinni. Reiknirinn er auðveldur í notkun og leiðir notendur áfram. Útskýringar eru við hvern lið og upplýsingar um hvaða gögn þarf að hafa til. Reiknivélin er byggð á GHG staðli (e. Greenhouse Gas Protocol), með losunarstuðlum frá DEFRA, í bland við séríslenska losunarstuðla fyrir hita og rafmagn.
Betri UFS yfirsýn
Með lausn Laufsins fá stjórnendur aukna yfirsýn yfir árangur fyrirtækisins á sviði umhverfismála, félagslegra þátta og stjórnarhátta.